எழுத்தில் எண்ணங்கள் !

இப்போதாவது" விழித்திடு தமிழா !!! .... முல்லை பெரியாறு நமது "உரிமை பிரச்சனை'

2012-02-17T20:04:00.001+01:00

நண்பர் பதிவர் Raju Online முல்லை பெரியாறு பிரச்சினையில் மற்ற பிற மாநிலத்தவர் தமிழ் நாட்டை மோசமாக நினைக்கின்ற வகையில் கேரளம் திரிபுவாதம் செய்வதை விவரிக்கிறார். இதை தமிழ் நாடு சரிவர எதிர் கொள்ளவில்லை என வருந்துகிறார். இதில் நம் பங்குக்கு அவர் எண்ணங்களை் இன்னும் பலரை அடைய வேண்டும் என்ற நோக்கில் என் வலைப்பதிவில் அவர் அனுமதியுடன் பதிகிறேன்.

இனி அவரின் வார்த்தைகளில் :

முல்லைப் பெரியாறு பற்றி அகில இந்திய அளவில்
புயலைக் கிளப்பிவிட்டு – தமிழ் நாட்டை
பைத்தியக்காரர்கள் வசிக்கும் இடம் என்று பேச
வைப்பதில் வெற்றி பெற்று விட்டனர் கேரளத்தவர்.
மீடியாக்களில்,டெல்லியில், அகில இந்திய அளவில்
கேட்கிறார்கள் -பலமாகக் கேட்கிறார்கள் !

“116 வருட சுண்ணாம்பு அணை – இன்னும்
எவ்வளவு நாள் தாங்கும் ?தங்கள் இடத்திலேயே -
தங்கள் செலவிலேயே -
புதிய அணையைக் கட்டி,தமிழ் நாட்டிற்கு அதே அளவு தண்ணீரைத் தருவதாக
கேரளா சொல்கிறதே – ஒப்பந்தம் எழுதிக்
கொடுக்கிறோம் என்கிறார்களே.
இதை ஏற்றுக் கொள்ள தமிழ் நாடு ஏன் மறுக்கிறது ?இது என்ன வீண் பிடிவாதம் ?இது என்ன பைத்தியக்காரத்தனம் ?”இங்கு தான் தமிழ்நாடு ஏமாந்து கொண்டிருக்கிறது.
கேரளா இதுவரை செய்த அநியாயங்கள்,புதிய அணை கட்டி இனி செய்ய
உத்தேசித்திருக்கும் அயோக்கியத்தனங்கள் -
இவை எதுவுமே வெளி உலகுக்குத் தெரியவில்லை.
ஏன் தமிழ் நாட்டிலேயே – சென்னையிலேயே கூட,படித்தவர்கள் பலருக்கு கூட தெரியவில்லை !
புதிய அணை கட்டுவதில் என்ன தவறு ? -அதான்
அதே அளவு தண்ணீர் தருகிறேன் என்கிறார்களே
என்று தமிழர்களே கேட்கிறார்கள்.
தமிழ் நாளிதழ்களும், அரசியல் கட்சிகளும்
தொலைக்காட்சிகளும் கூட தமிழ் மக்களை
தயார் படுத்துவதில் தவறி விட்டன என்று தான்
சொல்ல வேண்டும்.
இனியாவது விழித்துக் கொள்ள வேண்டும்.
புதிய அணை கட்டுவதாகச் சொல்வதில் இருக்கும்
சதி பற்றி விவரமாக அகில இந்திய அளவில்
எடுத்துச் சொல்ல வேண்டும்.
இந்த வலைத்தளத்தைப் படிப்பவர்களுக்காக -
நான் எனக்குத் தெரிந்ததை சுருக்கமாக
கீழே தருகிறேன்.
முல்லைப் பெரியாறு அணை கட்டப்பட்டது
பிரிட்டிஷ் ஆண்ட காலத்தில் - 1895ல்.
அப்போது இந்த அணை கட்டும் இடம் திருவாங்கூர்
சமஸ்தானத்தின் கட்டுப்பாட்டில் இருந்ததாக
கருதப்பட்டது (உண்மை அது அல்ல.தமிழ் நாட்டின்
வரையரைக்குள் தான் இருந்தது)
எனவே பிரிட்டிஷார்- திருவாங்கூர் மஹாராஜாவுடன்
இந்த அணை கட்டப்படும், மற்றும் அதன் நீர்ப்பிடிப்பு
பகுதியான சுமார் 8000 ஏக்கர் நிலத்தை
999 ஆண்டுகளுக்கு குத்தகைக்கு எடுத்து (ஆண்டுக்கு
ரூபாய் 40,000/- குத்தகைப் பணம் ) இந்த
அணையை 1887ல் கட்ட ஆரம்பித்து 1895ல்
கட்டி முடித்தனர்.
இதில் வேடிக்கை என்னவென்றால், இதில்
அடிப்படையான பெரியாறு உற்பத்தியாவது
தமிழ் நாட்டில் தான். அணையும் தமிழ் நாட்டிற்கு
சொந்தமானது. அதை நிர்வகிப்பதும் தமிழ் நாடு தான்.
ஆனால் இடம் மட்டும் கேரளாவிற்கு சொந்தம்.
அதிகாரம் செலுத்துவதும் அவர்களே !
இந்த அணையின் உயரம்-கொள்ளளவு -152 அடி.
இதன் மூலம் பாசனம் பெறும் நிலம் –சுமார் 2,08,000 ஏக்கர்.
மதுரை, தேனி, சிவகங்கை, ராமநாதபுரம் ஆகிய
4 மாவட்டங்களைச் சேர்ந்த 10 லட்சம் விவசாயிகள்
பாசனத்திற்கும், 60 லட்சம் மக்கள் குடிநீருக்கும்
இந்த அணையை நம்பி இருக்கிறார்கள்.
இந்த அணை பறிக்கப்பட்டால் – இத்தனை இடங்களும்
பாலைவனங்கள் ஆகும். இத்தனை ஜனங்களும்
பிழைப்பு பறிபோய் – பிச்சைக்காரர்கள் ஆவார்கள்.
பிரச்சினை ஆரம்பித்தது எப்படி ? எப்போது ?கேரளா, இதற்கு சுமார் 50 கிலோமீட்டர் கீழே,இடுக்கியில் 1976ல் ஒரு அணையும் நீர்
மின்நிலையமும் கட்டியது. பின்னர் தான்
ஆரம்பித்தன அத்தனை தொல்லைகளும்.
பெரியாறு அணையின் மொத்த கொள்ளளவே
15.66 டிஎம்சி தான்.அதிலும் சுமார் 10 டிஎம்சியை
தான் பயன்படுத்த முடியும்.
(104 அடி வரை டெட் ஸ்டோரேஜ் .)
ஆனால் இடுக்கி இதைப் போல் 7 மடங்கு பெரியது.
கொள்ளளவு 70 டிஎம்சி.
பெரிய அணையைக் கட்டி விட்டார்களே தவிர அது
நிரம்பும் வழியாகக் காணோம். 3 வருடங்கள்
பொறுத்துப் பார்த்தார்கள். பெரியாறு வருடாவருடம்
நிரம்பிக் கொண்டு இருந்தது. ஆனால் இடுக்கி
நிரம்பவே இல்லை.
அப்போது போடப்பட்ட சதித்திட்டம் தான் -
பெரியாறு அணைக்கு ஆபத்து என்கிற
குரல் -கூக்குரல்.
சுண்ணாம்பு அணை உடைந்து விடும்.
அதிலிருந்து வெளிவரும் நீரால் 35 லட்சம்
மக்கள் செத்துப் போவார்கள். எனவே
உடனடியாக புதிய அணை கட்டுவதே தீர்வு !
புதிய அணையினால் அவர்களுக்கு என்ன லாபம் ?மேலே இருக்கும் பழைய அணையை இடிப்பதால்,நீர்பிடிப்பு பகுதியிலிருந்து அத்தனை நீரும் நேராக
இடுக்கிக்கு வந்து அதை நிரப்பும்.
சரி நிரம்பட்டுமே. நல்லது தானே !
அதான் தமிழ்நாட்டுக்கு இதே அளவு
தண்ணீர் தருகிறேன் என்று சொல்கிறார்களே
என்று உடனே மக்கள் கேட்கிறார்க்ள்.
அங்கே தான் இருக்கிறது அவர்கள் சாமர்த்தியம்.
பெரியாறு அணை இருப்பது கடல் மட்டத்திலிருந்து
2709 முதல் 2861 அடி உயரம் வரை. இதிலிருந்து
மலையைக் குடைந்து குகைப்பாதை வழியாக
தண்ணீர் தமிழ் நாட்டை நோக்கி கொண்டு வரப்படுகிறது.
புதிய அணையை கட்டப்போவது 1853 அடி
உயரத்தில்.இந்த அணை கட்டப்படும் உயரத்திலிருந்து
தமிழ் நாட்டிற்கு தண்ணீரைத் திருப்பி விட முடியாது.
நமக்கு பெரியாறு அணையிலிருந்து நீர் எடுத்து வரும்
பாதை இதை விட உயரத்தில் ஆரம்பித்து, ஒரு கிலோ
மீட்டர் பயணத்திற்கு பிறகு 5704 அடி நீளமுள்ள -
மலையைக் குடைந்த குகை வழியாக திசை மாறி
வந்து பின்னர் கீழே வைகையில் கலக்கிறது.
அணையைக் கட்டிய பிறகு,இவர்கள் உண்மையாகவே விரும்பினாலும் நீரைத்
திருப்ப முடியாது. மேலும் புதிய அணையிலிருந்து
ஆண்டு முழுவதும் நீர்மின்சாரம் உற்பத்தி செய்ய
நீரை வெளியேற்றிக் கொண்டே இருக்கப் போகிறார்கள்.
எனவே அணை எப்போதுமே முழுவதுமாக நிரம்பி
இருக்காது.தமிழ் நாட்டிற்கு தண்ணீர் நிச்சயமாக
கிடைக்காது.
புதிய அணையினால் தமிழ் நாட்டிற்கு பயன் இல்லை -
புரிகிறது.
ஆனால் பழைய அணை சுண்ணாம்பு அணை -
எப்போது வேண்டுமானாலும் உடைந்து விடும்.
35 லட்சம் மக்கள் செத்து விடுவார்கள் என்கிறார்களே -
பயம் உண்மையானது போல் தோன்றுகிறதே ?அயோக்கியத்தனம்.
வடிகட்டிய அயோக்கியத்தனம்.
முதலாவதாக -
பெரியாறு அணை உடைந்தால் தண்ணீர் -
மலைப் பள்ளத்தாக்குகள் வழியாகப் பாய்ந்து -
நேராக கீழே உள்ள இடுக்கி அணையைத் தான்
வந்தடையும்.
பெரியாறு அணையிலிருந்து அதன் முழு நீரும்
(10 டிஎம்சி) ஒரே நேரத்தில் வெளியேறினாலும்,நேராக அதைப்போல் 7 மடங்கு கொள்ளளவு
உடைய இடுக்கி அணையைத் தான் வந்தடைய
போகிறது. இடையில் எந்த நாடு, நகரமும் இல்லை.
வாதத்திற்காக இடுக்கி அணை ஏற்கெனவே நிரம்பி
இருந்தாலும் – வெளியேறும் நீர் பெரியாறு
அணையிலிருந்து இடுக்கி வந்து சேர 4 மணி நேரம்
ஆகும். அதற்குள்ளாக இடுக்கியிலிருந்து
தேவையான நீரை வெளியேற்றி விட முடியும் !
எனவே வெள்ளத்தால் பொதுமக்கள் பாதிக்கப்படுவார்கள்
என்கிற பேச்சே அபத்தமானது.
இரண்டாவதாக -

1976ல் இடுக்கி அணையை கட்டினார்கள்.
1979ல் பெரியாறு அணை உடையப்போகிறது
என்று குரல் எழுப்பினார்கள்.
பயத்தைக் கிளப்பினார்கள்.
சுப்ரீம் கோர்ட் வரை போனார்கள்.
2000ஆவது ஆண்டு சுப்ரீம் கோர்ட் நிபுணர் குழுவை
அமைத்தது. நிபுணர் குழுவின் ஆலோசனைப்படி
அணை அனைத்து விதங்களிலும் பலப்படுத்தப்பட்டது.
கேரளா சொல்வது போல்
இது வெறும் சுண்ணாம்பு அணை அல்ல.
ஏற்கெனவேயே முதல் தடவையாக 1933ல்
40 டன் சிமெண்ட் கலவை சுவரில் துளையிட்டு உள்ளே
செலுத்தப்பட்டது. மீண்டும் 1960ல் 500 டன் சிமெண்ட்
உள் செலுத்தப்பட்டது.

2000ஆவது ஆண்டு சுப்ரீம் கோர்ட் சென்ற பிறகு -
நிபுணர் குழுவின் ஆலோசனைப்படி -
லேடஸ்ட் தொழில் நுட்பங்களைப் பயன்படுத்தி,கேபிள் ஆன்கரிங் முறையில் அணையுள் கான்க்ரீட்
கலவை செலுத்தப்பட்டது. வெளிப்புறமாக -
ஒரு கவசம் போல், கிட்டத்தட்ட புது அணையே போல்,கான்க்ரீட் போடப்பட்டு, ஒரு புத்தம்புதிய கான்க்ரீட்
அணையே உருவாக்கப்பட்டு விட்டது.
கீழே உள்ள வரைபடத்தைப்
பார்த்தால் நன்றாகப் புரியும்.

இதன் பிறகு தான், 27/02/2006 அன்று,சுப்ரீம் கோர்ட், இனி அணைக்கு எந்த ஆபத்தும் இல்லை
என்பதை நிபுணர் குழுவின் மூலம் உறுதி செய்துகொண்டு -
156 அடிவரை தண்ணீர் தேக்கிக் கொள்ளலாம்
என்று அனுமதியே கொடுத்தது.
விட்டார்களா நமது கேரள சகோதரர்கள் ?மீண்டும் சதி. ஒரு மாதத்திற்குள்ளாக,கேரள சட்டமன்றத்தில் புதிய சட்டம்
இயற்றி, சுப்ரீம் கோர்ட் உத்திரவையே செல்லாததாக்கி
விட்டார்கள்.
வழக்கம் போல் தமிழன் இளிச்சவாயன் ஆகி விட்டான்.
மீண்டும் கோர்ட் பின்னால் அலைகிறோம்.
இப்போது, இன்னும் வழக்கு சுப்ரீம் கோர்ட்டின்
பரிசீலனையில் இருக்கும்போதே -
தீர்ப்பு அவர்களுக்கு பாதகமாக
இருக்குமோ என்கிற தவிப்பில் - மீண்டும் நாடகம்
ஆடுகிறார்கள். அணைக்கு ஆபத்து -புதிய அணை
கட்ட வேண்டும் என்று.
பாராளுமன்றத்தில் குரல் கொடுக்கிறார்கள்.
பிரதமரை போய்ப் பார்க்கிறார்கள்.
உண்ணாவிரதம் இருக்கிறார்கள்.
பந்த் நடத்துகிறார்கள்.
இப்போதைக்கு அவர்கள் குரல் தான் பலமாகக்
கேட்கிறது. வெளிமக்கள் அவர்கள் பக்கம் நியாயம்
இருக்கிறது என்று நினைக்கத் தொடங்கி விட்டார்கள்.
தமிழ் நாடு ஏமாந்தது போதும்.

http://rajuinfotech.blogspot.com/2011/12/kolaveri-song-promote-please.html

அம்மாவிற்கு வந்த கோபம் - அரசியல் விமர்சகர் சோமாஸ் பேட்டி

2012-02-06T06:23:00.001+01:00

சட்டசபையில் நடந்த முதல்வர், எதிர்க்கட்சி தலைவர் மோதலை தொடர்ந்து எதிர்க்கட்சித் தலைவர் 10 நாட்கள் சட்டசபை கூட்டத்தொடரிலிருந்து சஸ்பெண்ட் செய்யப்பட்டதும் நாம் அறிந்ததே.

இதைப்பற்றி பிரபல அரசியல் விமர்சகர் சோமாஸ் என்கின்ற சோமசுந்தரத்தை சந்தித்து அவரின் கருத்து என்ன என்பதை அறிந்து கொள்ள நேரம் வாங்கி அவரி்ன் இல்லம் சென்றோம்.

அவரின் அலுவலக அறையில் சிறிது நேர காத்திரு்ப்புக்கு பி்ன்,

"அத்வானி அத்வானி... தலைக்கு கீழே வச்சிக்கோ தலவானி தலவானி.. அப்படியும் பொழுது உனக்கு போகலைன்னா யூடூயூபில பார்த்துக்க மொத்வானி ஹன்ஸிகா மொத்வானி ஆஹா ஹன்ஸிகா மொத்வானி...." என்று ஒரு பாடலை முணு முணுத்தபடியே வந்து சேர்ந்தார் .

வந்ததும் நேராக எங்களிடம், "முக்கியமான கேள்விகள் மட்டும் கேளுங்க தனி தனியாய் பல கேக்காதீங்க 'ஐ அம் வெரி பிஸி.'

இப்பக்கூட குஜராத்திலிருந்து ஒரு முக்கியமான காலுக்கு 'ஐ அம் வெய்ட்டிங்' இருந்தாலும் உங்களுக்கு அப்பாயிண்ட்மெண்ட் கொடுத்திட்டதால தான் இங்கே வந்தேன. கேளுங்கள் 'குவீக் குவீக்'" என்று அவசரப்படுத்தினார்.

உடனே நாமும்,

சட்டசபையில் முதல்வர் "அதிமுக வினால்தான் கூட்டணி கட்சிகள் வென்றன என்று கூறுகிறார் ஆனால் எதிர்கட்சி தலைவர் ஊர் கூடி தானே தேர் இழுத்தோம். அதனால் இந்த வெற்றியில் அனைவருக்கும் பங்கு இருக்கிறது என்று பதிலுக்கு சொல்கிறார். அப்படி சொல்றதும் நியாயமாக தானே இருக்கிறது. இதில உங்க கருத்து?

ஆமா உண்மைதான்! ஊர் கூடித்தான்யா தேரை இழுத்தோம். தேர்தான் நிலைக்கு வந்திடிச்சில்ல அதோடு போக வேண்டியது தானே. அத உட்டுபுட்டு தானும் அந்த தேரில் ஏறனும்னா என்ன அர்த்தம்.

இப்ப ராமாயணத்திலே எடுத்திக்கிட்டீங்கன்னா, ராமபிரான் தனியாவா போய் ராவணன் கிட்ட சண்டை போட்டாரு? அனுமான் தலைமையில் குரங்கு படையோடதானே போனாரு.

இன்னும் கூட சீதை் இருந்த இடத்தை கண்டுபிடிச்சது, சீதைக்கு தைரியம் சொன்னது, இலங்கையில் முதல் கலவரத்தை ஆரம்பிச்சது எல்லாமே அனுமான் தான். அதுக்காக தானே ராமர் தன்னை அனுமான் நெஞ்சில் சுமக்கிற பாக்கியம் தந்தார். அனுமானை தூக்கி ராமன் தன் நெஞ்சில் சுமக்கலியே.

அதே போல இவர் எதிர்கட்சி தலைவராய் முதல்வருக்கு மிக அருகாய் எதிரில் அமர்ந்திருக்கிறார். முதல்வருக்கு நிறைய முறை வந்தனம் செய்யும் பாக்கியம் கிடைத்திருக்கிறது. அதை , நினைத்து பெருமை படுவதை விட்டு விட்டு தனக்கு மரியாதை தரவேண்டும் என எதிர்பார்ப்பது சரியான அபத்தம் இல்லையா.. அதுக்கெல்லாம் ஒரு தகுதி வேண்டாமோ?

கேள்வி : தகுதி வேணும்னு நீங்களும் சொல்கிறீர்கள். தகுதி இல்லாதவர் என்றும் பார்க்க அருவருப்பா இருக்குதுன்னும் முதல்வரும் கோபமா சொல்றார். அந்த தகுதி என்னன்னு ........

முதல்வருக்கு கோபம் வராம வேற என்ன செய்யும்

பெரிய பதவிக்கு வர கீழ்கண்ட தகுதிகளில் ஒன்றாவது இருக்கணும்லே

ஒண்ணு அவாளாக இருக்க வேணும்

இல்லை

அட்லீஸ்ட் செவப்பு தோலாவாது இருக்கணும்

அதுவும் இல்லன்னா

அரைகுறை ஆடையில வந்து ஒடம்பையாவது காட்டி நடிச்சி இருக்கணும்

அட அது கூட இல்லன்னா

அடுத்தவன் குடும்பத்திலயாவது உள்ள புகுந்து கொழப்பி, அவுங்க தாம்பத்யத்தையே ஆட்டையை போட்டு இருக்கணும்

இப்படி எதுவுமே இல்லாம எதிர்கட்சி தலைவரா வந்து எதிரில் உக்காந்தா முதல்வருக்கு கோபம் வருமா வராதா

அதுவுமில்லாம முதல்வர் இதுவரை தனக்கு முன்னாடி கை கட்டி நிக்கிற ஆம்பிளையைதான் பார்த்திருக்காங்க இந்த ஆளு என்னானா கை நீட்டியில்ல பேசுறாரு

நீட்டின விரலை ஒடைச்சி போடுறது தான் அவருக்கு கொடுக்கிற சரியான தண்டனைன்னு சொல்லாம போனதே அவரோட பெருந்தன்மையை தான் காட்டுது

அவுங்க மட்டும் அப்படி சொல்லியிருந்தா சட்டமன்ற உரிமை மீறல் குழு அதை அப்படியே தன்னுடைய தீர்ப்பால சொல்லியிருக்கும்

அப்புறம் வெரலு இல்லாம அவர பார்க்க அம்மாவுக்கு இன்னமுமில்ல அருவெருப்பா இருக்கும்

இல்ல என்ன இருந்தாலும் ....

சரி உங்களுக்கு கொடுத்த நேரம் முடிஞ்சுடுத்து, நீங்க போகலாம் என்று சர்ரென்று கிளம்பி போனார்.

நாமும், அவரை பேட்டி கண்ட மகிழ்ச்சியிலும். அவரை நேரில் பார்த்த பாக்கியம் கிடைத்ததால் எங்கள் தகுதி எந்த அளவில் உள்ளது என்று ஆராய்ச்சியில் ஈடுபட்டபடியும் அலுவலகம் திரும்பினோம்.

பின் குறிப்பு : இது முழுக்க முழுக்க கற்பனையே. கடந்த 01/02/2012 அன்று சட்டசபையில் நடந்த நிகழ்ச்சியை அடிப்படையாக கொண்டு புனையப்பட்டது என்பதை தெரிவித்து கொள்கிறேன்

தன்னிகரற்ற ஜெயா மாமியும் தகுதியற்ற சின்ன கவுண்டரும் என் எண்ணங்களும்

2012-02-04T10:53:00.000+01:00

எதிர்கட்சியாக விஜயகாந்தின் தேமுதிக சரியாக செயல்படவில்லை என அனைவரும் சொல்லிக்கொண்டிருக்க அதை தவறு என்று சட்டசபையில் ஆளுங்கட்சிக்கு சரியான எதிர்கட்சியாய் தன் கட்சியை காட்ட முயற்சித்து எதிரி கட்சியாய் ஆக்கி விட்டுருக்கிறார் அதன் தலைவர் விஜயகாந்த்.

தொலைக்காட்சிகளிலும் , யூ ட்யூபிலும் ஒரு விறுவிறுப்பான திரைப்படம் போல சட்டசபை காட்சிகள் காட்ட்ப்படுகிறது. அதை நன்கு கவனிப்பவர்களுக்கு ஒரு உண்மை புரிந்திருக்கும் இச்சம்பவத்தின் முழு்மைக்கும் விஜயகாந்த் மட்டுமே பொறுப்பு அல்ல என்று.

தன் கட்சியை சேர்ந்த ஒரு உறுப்பினர் பேச, அதில் ஆளுங்கட்சியினர் குறுக்கிட்டுக் கொண்டே இருக்க, அதனால் தானே எழுந்து பதில் பேச, ஜெயலலிதா எழுந்து அதை மறுத்து பேச, பிறகு இருவருக்கும் நேரடியாக விவாதம் எழ, சவால்களை இரு தரப்பும் பறிமாறிக்கொள்ள, பிறகு சபாநாயகர் தலையிட்டு அமைதி படுத்தி அனைவரையும் அமர வைக்கிறார். (இதுவரைக்கும் நல்லாதானேய்யா போய்ட்டிருந்தது)

பின் சில வினாடிகளில் விஜயகாந்த் திடீரென தனது சீட்டிலிருந்து வேகமாக எழுகிறார். படு ஆவேசமாக ஆளுங்கட்சித் தரப்பைப் பார்த்து நாக்கை மடித்து கையை உயர்த்தி ஏதோ பேசுகிறார். அவரது கண்களில் கோபம் கொப்புளிக்கிறது.

இந்த காட்சியை பார்த்து விஜயகாந்த் தான் 'நிதானம்' இல்லாமல், சட்டசபை கண்ணியம் கருதாமல், எதிர்கட்சித் தலைவருக்குரிய தகுதியை அறியாமல், மன நிலை பிறழ்ந்தவன் போல நடந்து கொண்டார் என கருதுவீர்களானால் நிச்சயம் நீங்கள் அம்புலிமாமா வை மட்டுமே படித்து புரிந்து கொள்ளும் மன நிலையிலேயே இன்னமும் இருக்கின்றீர்கள் என்று தான் அர்த்தம்.

விஜயகாந்த் ஆவேசமாய் எழுந்ததற்கு காரணமாய் ஆளுங்கட்சி பகுதியில் என்ன செய்தார்கள் என்பதை காட்டாமல் மறைத்து விட்டார்கள். நியாயம் தானே, இது அவர்கள் படமாயிற்றே. தயாரிப்பும் டைரக்‌ஷனும் அவர்களேதானே.

அவர்கள் அனைவரையும் கூண்டோடு வெளியேற்றிய பின் பேசிய ஜெயலலிதா 'வெட்கப்பட்டிருகிறார்' (அட நம்புக்கப்பா அவருக்கும் அதெல்லாம் வரும்)

தேமுதிகவுடன் கூட்டணி வைத்ததற்காக தான் வெட்கப்படுவதாக அவரே கூறியிருக்கிறார் (வேற எதுக்காவோன்னு் நீங்க வேற எதையாவது ஒண்ண நினைச்சா அது உங்க தப்பு)

பிறகு விஜயகாந்துக்கு என்ன தண்டனை தர வேண்டும் என்று சபாநாயகருக்கு கோடிட்டு காட்டுகிறார்.

அடுத்து விஜயகாந்தின் தகுதி பற்றி பேசியிருக்கிறார். எப்படியென்றால், தகுதி இல்லாதவர்களுக்கு பெரிய பதவி கிடைத்துவிட்டால் இப்படித்தான் நடந்துகொள்வார்களாம்.

(எந்தவித முகாந்திரமும் இல்லாத, பொய்யாக முனையப்பட்ட ஒரு வழக்கை காட்டி எதிர்கட்சி தலைவரை வயதானவர் என்று கூட பார்க்காமல் நள்ளிரவில் அராஜகமாக கைது செய்தது பற்றி உங்களுக்கு நினைப்பு வந்தால் அது ஜெவின் தவறு அல்ல)

அதிமுக வை எப்படியும் ஆட்சியிலே உட்கார வச்சே தீரணும்னு மக்கள் தீர்மானிச்சி வாக்களித்தபோது இவர்களும் வந்து ஓட்டிக்கொண்டதாலே சட்டசபைக்குள் இவர்களால் வர முடிந்தது என்றும் பேசியிருக்கிறார்

இதில் புரியாத விஷயம் என்னவென்றால், நடந்து முடிந்த சட்டசபை தேர்தலில் கிடைத்த வெற்றிக்கு யாராவது ஒரு தனி மனிதர் உரிமை கோர முடியுமா அப்படியே ஒரு கட்சி தான் கோரமுடியும் என்று வைத்துக் கொண்டாலும் கூட அந்த தகுதி திமுகவிற்கு தவிர வேற எதற்குமில்லை.

ஏனெனில் மக்கள் திமுக ஆட்சி போக வேண்டும் என்று எதிர்பார்த்தார்களே அன்றி அதிமுகவே ஆட்சிக்கு வரவேண்டும் என ஏங்கி கிடக்கவில்லை. என்ன செய்வது நமக்கு தான் அதை விட்டா இது, இதை விட்டா அது என்பதை தவிர வேற தேர்வு எதுவுமே இல்லையே.

அடுத்து இவர் தகுதி இல்லாதவர்களுக்கு பெரிய பதவி கிடைத்துவிட்டால் இப்படித்தான் நடந்துகொள்வார்கள் என விஜயகாந்தை பற்றி கூறியிருக்கிறார்

அதுசரி... எதை இவர் தகுதி என்கிறார்???

எம்ஜிஆரின் மறைவுக்கு பின்னால் அதிமுகவின் தலைவியாக ஜெயலலிதா வந்தவுடன் கலைஞரும் இதை தான் வேறு மாதிரியாக சொன்னார், நான் பெரிய பெரிய தலைவர்களுடன் அரசியல் செய்திருக்கிறேன் என் நிலைமை இவ்ரோடு எல்லாம் அரசியல் செய்ய வேண்டியிருக்கிறது என்று.

அதை அப்போது ஜெயலலிதா ஒத்துக்கொண்டு அரசியலை விட்டே விலகி விட்டாரா. தான் வளர்ந்த பிறகு புதியவர்களை பார்த்து இப்படி சொல்லி சிறுமைப்படுத்துவதே அரசியல்வாதிகளின் வேலையாக போய்விட்டது

ஒருவரின் தகுதியை தீர்மானிப்பது யார் இவர்களா இல்லை மக்களா???

ஆனால் ஒண்ணு அம்மாவைப் பார்த்து திமுகவினர் உட்பட எ்ல்லோருமே பம்மிக்கிட்டு போகும் போது விஜயகாந்த் தைரியமாய் பல பேருக்கு எதிரிலேயே அம்மாவுக்கு சவாலுக்கு சவால் விட்டு எகிறுனாரே அதுவே ஒரு தகுதி தான்.

கேப்டன் உங்க வீரம் எனக்கு புடிச்சிருக்கு.

நக்கீரனின் பீஃப் கடை

2012-01-16T06:49:00.001+01:00

பத்திரிக்கை உலகின்மஞ்சள் பத்திரிக்கைநக்கீரன் என்பதுபொதுவாக அனைவருக்கும்தெரிந்தது தான்.அதன் சமீபத்தியகிசுகிசு ஜெயலலிதாமாட்டுக்கறி சாப்பிட்டார் என்பது தான். அதைஎம்ஜிஆர் தன்கட்சியினரிடம் சொன்னதாக ஜெயலலிதாவே மற்றவர்களிடம்சொன்னதாம்.

(இது எப்படிநக்கீரனுக்கு தெரிந்தது நித்தியானந்தா பெட்ரூமில் காமராவைத்தது போல்போயஸ்கார்டனிலும் வைத்திருப்பாரோ)

அதை சொன்னதாகசொல்லப்பட்ட எம்ஜிஆரும்,கூட இருந்து கேட்டதாகசொல்ல படும்எஸ்டிஎஸ், கேஏகேன்னு யாரும்உயிரோடு இல்லை. இருக்கும் ஒரேநபரான பொன்னையனும்அப்படி ஒருசம்பவம் நடக்கவில்லைஎன்னும்போது இது இட்டு கட்டி பத்திரிக்கையைவிற்கும் தந்திரம்தானே.

அடுத்தவன் வீட்டுபெட்ரூமை எட்டிபார்ப்பதே நாகரீகமற்றசெயல் இதில்நக்கீரன் தான்பார்த்ததோடு மட்டுமல்லாமல் அதை விற்று காசாக்கியும்விடும் அதையும்நித்தியானந்தா விவகாரத்தில் பார்த்தோமே

என்ன சாப்பிடுவது எதை சாப்பிடுவது என்று தீர்மானிப்பது தனிமனித உரிமை ஆதலால் உண்மையிலேயே ஜெமாட்டுக்கறி சாப்பிடுபவராக இருந்தாலும் அதை கேலிசெய்யும் பாணியில்நக்கீரன் எழு்தியதுகுற்றமே

இந்த செய்தியைதாங்கி நக்கீரன் வந்தாலும்வந்தது அதிமுகவினருக்கு நக்கீரன் அலுவலகத்தை தாக்கி தங்களது நீண்ட நாள் வெறியை தணித்துக் கொள்ள ஒரு சந்தர்ப்ப காரணியை தந்தது்.

நக்கீரன் அலுவலகத்தைதாக்கியதோடு அல்லாமல் அப்பாவி பொது மக்களையும் அச்சுறுத்திஇருக்கிறார்கள். மற்றும் இதில் சம்பந்தபடாத மற்ற பொதுமக்களின் வியாபார வணிகங்களையுமஅடைக்க செய்துஅவர்களின் வயிற்றில்அடித்து அராஜகம்செய்திருக்கின்றனர்.

தங்கள் தலைவியிடம்விசுவாசத்தை காட்டி நல்ல பேரு வாங்க(பின் நாளில் பலன் தருமே) அணி அணியாய்நக்கீரன் அலுவலகம்வந்து அராஜகம்செய்து விட்டுபோயிருக்கிறார்கள்

ஆட்சியும் அவர்களது,போலீஸ் மந்திரியும் அம்மாதான் அப்புறம் கேட்கவா வேணும் அவர்கள் தைரியத்திற்கு்.

கிராமங்களில் கல்யாணவீட்டில் மொ்ய்கொடுத்து விட்டுமைக்கில் அதைஅறிவிக்கிறார்களா என்று பார்ப்பார்களே அதைப்போல இங்கேகலவரம் செய்துவிட்டு அதுபோயஸ்கார்டனில் பதிவாகுதான்னு பார்த்திருப்பார்களோஎன்னமோ.

இதை கண்டும்காணாமல் இருந்தஜெயின் போக்கும்மிகவும் கண்டிக்க தக்கதே.

செய்தி வெளியானதும்அதை கண்டித்துமறுப்பு தெரிவித்துஒரு அறிக்கைகொடுத்திருக்கலாம். பிறகு நக்கீரன்மேல் வழக்குதொடுத்திருக்கலாம். இப்படி செய்திருந்தால்மக்கள் மனதில்ஜெ எங்கேயோபோயிருப்பார்.

ஆனால் அந்த அறச்செயலெல்லாம் ஜெவிடமோகலைஞரிடமோ எதிர்பார்ப்பது நம்தவறுதான்

ஆனாலும் இதில்ஒரு பெரியஆறுதல் எவரின்உயிரும் பறிக்கப்படவில்லைஅதாவது எந்தஅப்பாவியும் எரிக்கப்படவில்லை. அந்த வரையில் திருப்திபட்டுக்கொள்ள வேண்டியதுதான்.

வாழ்க ஜனநாயகம் !

முல்லை பெரியாறும், தடம் மாறிய தமிழனின் இயல்பும்

2012-01-15T19:38:00.001+01:00

முன்குறிப்பு :

நேரமின்மையின் காரணமாக வலைப்பக்கம் அடிக்கடி வர இயல்வதில்லை இப்படி் எப்பொழுதாவது கிடைக்கும் சிறிய இடைவெளியில் ஏதேனும் மனதில் பட்டதை பதிவு செய்ய வேண்டியிருக்கிறது.

[ மனசாட்சி : ஆமா நாட்டுக்கு ரொம்ப முக்கியம் இவர் என்ன நினைக்கிறார்னு தான் உலகமே பார்த்திட்டிருக்கு செரங்கு புடிச்சவன் கையி சொறியாம இருக்குமா அது போல வெரல் அரிப்பு தாங்க முடியாம கீ போர்ட் தட்ட வந்திட்டு பில்டப் கொடுக்கிறத பாரூ.... ]

பெரியாறும், தடம் மாறிய தமிழனின் இயல்பும்

கடந்த ஆண்டு முடியும் தருவாயில் என்னை வியக்க வைத்த விஷயம், முல்லை பெரியாறு பிரச்சினைக்காக பொது மக்கள் தாங்களாகவே போராட்டத்தில் குதித்தது.

பொதுவாக இந்த மாதிரி அண்டை மாநிலங்களுடனான நதி நீர் பங்கீடு போன்ற பிரச்சினைகளின் போது, அரசியல் கட்சிகள்தான் போராட்டங்கள் நடத்துமே அன்றி பொது மக்கள்களி்ன் கவனமெல்லாம் அவரவர்களின் அன்றாட வேலைகளிலேயே இருக்கும்

அப்படி பட்ட அவர்களே களத்தில் நேரடியாக இறங்குகிறார்கள் என்றால், எந்த அளவுக்கு அரசியல்வாதிகளிடம் அரசுகளிடமும் நம்பிக்கை இழந்து இருப்பார்கள் என்பது நன்றாகவே புரிகிறது.

ஏற்கனவே தனித் தமிழ்நாடு, தமிழ் தேசியம் என்று பிரிவினை வாதம் பரவலாக பேசப்பட்டு வரும் கால நிலையில், பொது மக்கள் தாங்கள் தேர்ந்தெடுத்த அரசின் மீதே நம்பிக்கை இழப்பது இந்திய ஒருமைப்பாட்டுக்கு நல்லதல்ல. மண்ணு மோகன் அரசு முழித்து கொண்டால் சரி.

வழமை போலவே அப்பாவி தமிழ் மக்கள் அண்டை மண்ணில் தாக்கப் பட்டிருக்கிறார்கள். இந்த முறை தாக்கிய இடம் கேரளா, தாக்கியவர்கள் மலையாளிகள். தாக்குதலுக்கான காரணம் முல்லை பெரியாறு .

[ கர்நாடகத்தினர் தங்கள் முறை எப்போது என்று காத்துக் கொண்டிருப்பதாக கேள்வி :( ]

ஆனால் பதிலுக்கு வழமையை மீறியதாய் இந்த முறை தமிழ் நாட்டில் மலையாளிகள் தாக்கப்பட்டிருக்கிறார்கள்.

உம்மன்சாண்டியோ உம்முன்னு உறுமியிருகிறார்

தமிழ் நாட்டில் மலையாளிகள் தாக்கப்படுவதை எதிர் பார்க்க வில்லையாம்.

தமிழன் எப்பவுமே குட்டை வாங்கிகிட்டே இருப்பானுங்கன்னு அவருக்கு நெனப்பு போல...

எப்படி அப்பாவி தமிழர்கள் அடி வாங்குவதில் உடன்பாடு இல்லையோ அதேபோல் அப்பாவி மலையாளிகள் அடி வாங்குவதிலும் எனக்கு உடன்பாடு இல்லை.

அடிக்க வேண்டுமானால் இதை வைத்து அரசியல் செய்யும் அச்சுதானந்தன், உம்மன்சாண்டி, ஜார்ஜ் குரியன் பொன்றவர்களை அடிக்கலாம் இங்கு பிழைப்புக்கு வந்திருக்கும் டீக்கடை நாயர் என்ன செய்வார்.

அங்கு பிழைப்புக்கு போன குப்பனையும் சுப்பனையும் அடித்தவர்கள் கேரளா அரசியல் ரவுடிகள். அதற்கு எதிர் வினையாக இங்கு நாயரை அடித்தவர்கள் சில அரசியல் கட்சிகளை சார்ந்தவர்கள் என்று பத்திரிக்கையில் வந்தது.

ஆனால் இதை இப்படியே கண்டும் காணாமல் மத்திய அரசு விடுமே என்றால் நேரடியாகவே குப்பனும் நாயரும் நீயா நானா என்று மோதிக்கொள்ளும் சூழல் எழும் அபாயம் உண்டு

அதன் பிறகு இந்திய ஒருமைப்பாடு கிழிந்த கோவணம்தான்

இப்போதாவது மண்ணு மோகன் அரசு முழித்து கொள்ளுமா?

உச்ச நீதிமன்றத்தின் தீர்ப்பை அமுல் படுத்த கேரளாவை வற்புறுத்துமா ?இல்லை ஓட்டுக்காக ஒருமைபாட்டையே அடகு வைக்குமா?

குனிந்திருந்த தமிழன் நிமிர தொடங்கி விட்டான் ஜாக்கிரதை!

தமிழர் திருநாள் வாழ்த்துகள்

2012-01-15T19:09:00.001+01:00

அனைவருக்கும் புத்தாண்டு மற்றும் பொங்கல் நல்வாழ்த்துகள் !

ஜெ வின் நூலாயுதம்

2011-11-07T06:00:00.000+01:00

ஆட்டை கடிச்சி மாட்டை கடிச்சி கடைசியிலே மனுஷனையே கடிச்ச மாதிரி ன்னு ஒரு பழமொழி எங்க ஊர் பக்கம் சொல்வாங்க.

அது போல நம்ம முதல்வர் அங்க சுத்தி இங்க சுத்தி, நம்ம அடி மடியிலே கை வைக்கிறாங்களே....
அதாங்க அண்ணா நூற்றாண்டு நூலகத்தை மருத்துவமனையா மாத்துறதை தான் சொல்றேன்.

கொடுமை கொடுமைன்னு கோவிலுக்கு போனா அங்க ரெண்டு கொடுமை ஜிங்கு ஜிங்குன்னு ஆடிச்சாம் என்பது போல .....

நம்ம கலைஞரு குடும்ப ஆக்ரமிப்பு கூட்டு கொள்ளையிலேருந்து தப்ப தமிழ் நாட்டு மக்களுக்கு கிடைச்ச ஒரே மாற்றா இருந்தது இந்த அம்மாதான்.

அவுங்க முன் வரலாறு மோசமா இருந்தாலும் சரி இவ்வளவு நாள் பதவி இல்லாம இருந்த இந்த அம்மா மனம் வருந்தி திருந்தியிருக்கும்னு

இரட்டை இலைக்கு ஓட்டை குத்து, குத்துன்னு குத்தி ஜெயிக்க வச்சா மக்களை இப்ப அந்த அம்மா மொத்து, மொத்துனு மொத்துது.

பதவிக்கு வந்த உடனேயே தலைமைசெயலகத்த மாத்துன்னு சொன்னாங்க ...

அதுக்கு, பணிகள் முழுமை அடையாமல் அவசர கதியிலே திறந்திட்டாங்கன்னு காரணமும் சொன்னாங்க

நாமளும் நியாயந்தானய்யா இதுன்னு மவுனமா இருந்துட்டோம் !

அடுத்து சமச்சீர் கல்வியிலே கை வச்சாங்க.

அப்பவும் சில அறிவாளிகள், "புத்தகங்கள் சரியில்ல ஒரே திமுக நெடி அதான்"னாங்க நாமளும் எது சரின்னு தெரியாம கொழம்பி போய் நின்னோம்

இப்ப வைச்சாங்க பாருங்க ஒரு சூப்பர் ஆப்பு.....
இத எந்த பயலும் நியாயபடுத்த முடியாது.

தமிழர்களின் அறிவு கண்ணை திறக்கிற புத்தகங்களின் ஆலயமாய் இருக்கிற ஒரு நூலகம் - தமிழ்நாட்டின் மிகப்பெரிய நூலகம் - போன ஆட்சியில் கலைஞர் கையால் திறந்து வைக்கப்பட்ட நூலகம் (இப்ப புரிஞ்சி இருக்குமே உண்மையான காரணம்) - அண்ணா நூற்றாண்டு நினைவு நூலகம்.

அந்த நூலகத்தைதான் மூடறாங்கலாம் ஏன்னா புள்ளைங்களுக்கு ஆசுபத்திரி கட்ட தமிழ்நாட்டுலே வேற இடமே கிடைக்கலையாம்.

இப்ப கூட சில அறிவாளிங்க சொல்லலாம், "ஏம்பா அறிவை வளர்க்க படிச்சி டைம் வேஸ்ட் பண்ணிகிட்டு இருக்கப்போற! அவனவன் பரம்பரையை ஆராய்ச்சி பண்ணி உங்களுக்கு மேட்ச் ஆவுற அறிவாளியோட டி என் ஏ எடுத்து உனக்கு வச்சி உட்டா 2 வாரத்திலே நீ அறிவாளியாய் ஆய்டப்போறே பிறகு எதுக்கு நூலகம் அது இதுன்னு.அதான் அம்மா இடிக்கிறாங்கன்னு"

கேழ்வரகிலே நெய் வடியுதுன்னா கேக்குறவன் என்ன கேணையாம்பாங்க ?
நாம என்னான்னுதான் நமக்கே தெரியுமே!
இதை அடுத்தவன் சொல்லனுமாக்கும்.

அம்மாவின் கலைஞர்தனம்

2011-11-05T02:14:00.000+01:00

ஜெவுக்கம் கலைஞருக்கும் எனக்கு தெரிஞ்சி ஒரே ஒரு விஷயத்திம் மட்டுமே ஒற்றுமையுண்டு அது என்னான்னு அப்புறம் சொல்றேன்.

மற்றபடி இருவரும் செயல்பாடுகளும் வெவ்வேறு வகையானது.

ஜெவின் செயல்களில் 'நான்' என்ற ஆணவம் இருந்தாலும், வழ வழா கொழ கொழா என்று இருக்காது. எப்போதும் வெட்டு ஒண்ணு துண்டு ரெண்டு தான்.

அது விடுதலைபுலிகள் இயக்க எதிர்ப்பு ஆகட்டும் வீரப்பன் என்கவுண்டர் ஆகட்டும்

இன்னும் சங்கராச்சாரியார் கைது, வாஜ்பாயி ஆட்சி கவிழ்ப்பு, பிரபாகரன் கைது தீர்மானம், பொடா அரசு ஊழியர் சாலைப்பணியாளர் பிரச்னைகள் என்று தொடர்ந்து

இப்போது தலைமைசெயலகம் மாற்றம், சமச்சீர் கல்வி கைவிடும் முயற்சி என்று சொல்லிக்கொண்டே போகலாம்.

மக்கள் என்ன நினைப்பார்கள், மீடியா என்ன சொல்வார்கள் என்ற எண்ணம் கிஞ்சித்தும் இல்லாமல், தான் நினைத்தபடி ஒரு முடிவு எடுத்து அதில் உறுதியாய் நிற்பது அவரது தனி ஸ்டைல்.

ஆனால் கலைஞரோ எவ்வளவு முக்கியமான பிரச்னையிலும் தன்னுடைய முடிவை தெளிவாக அறிவித்து அதை முன்னெடுக்க இயலாமை

சட்ட எரிப்பு போராட்டம் நடத்திவிட்டு பின் நீதிமன்றத்தில் ஒரு காகிதத்தைதான் எரித்தோம் என்று கூறுதல்

சங்கராச்சாரியார் வழக்கு மொக்கையாகும் வரை கண்டுகொள்ளாமல் இருப்பது, ஒரு பக்கம் மத்திய அரசில் பங்கெடுத்துக்கொண்டே இன்னொருபக்கம் ஈழப்போருக்கான போராட்டங்கள் நடத்துதல்

நான்கு மணி நேர உண்ணாவிரத போராட்டம் நடத்திவிட்டு இறுதியில் போர் நின்றுவிட்டது என்ற பொய்யாக அறிவித்தல்

இப்படி பாம்புக்கு தலையையும் மீனுக்கு வாலையும் காட்டி எல்லோரிடமும் நல்ல பெயர் எடுக்க மல்டி ரோல்களில் மிளிர்வது கலைஞர் ஸ்டைல்.

ஆனால் இப்போது அது ஈழத்தமிழர் விஷயத்தில் இளித்துக்கொண்டு போய்விட்டது என்பது வேறு விஷயம்

இப்படியிருக்க

சமீபத்தில் ராஜீவ் கொலை வழக்கில் மரண தண்டனை பெற்ற 3 பேரின் உயிர் போகும் பிரச்சினையில் ஜெ கலைஞர் போல மங்காத்தா ஆடியிருக்கிறார்.

கடந்த மாதத்தில் தமிழக சட்டமன்றத்தில், மூன்று பேரின் தூக்குத்தண்டனையை ரத்துச் செய்ய சொல்லி மத்திய அரசைக் கேட்டுக்கொண்டு தீர்மானம் நிறைவேற்றியவர்,

இந்த வாரம் உயர்நீதிமன்றத்தில் மூவரின் மரண தண்டனை ரத்து செய்ய கோரும் வழக்கில், மனுவையே தள்ளுபடி செய்யும்படி ஜெவின் தமிழக அரசு கேட்டுகொண்டுள்ளது.

என்ன ஒரு தெளிவு அம்மையாருக்கு!

தமிழர்களை ஏமாற்றும் விஷயத்தில் ஜெவும் கலைஞரும் ஒரு நாணயத்தின் இரு பக்கங்கள் என்று வைகோவும் அறிக்கை விட்டு இருக்கிறார். ஆனால் இதுவரை ஜெவிடமிருந்து எந்த பதிலும் இல்லை.

பொதுவாக ஜெவின் அல்லக்கைகள் அவர் பெயர் போட்டு அடிக்கும் சுவரொட்டிகளில் "புரட்சிதலைவி அம்மா" அவர்கள் என்றே குறிப்பிடுவர்.

இனி அதை மாற்றி "கலைஞர் அம்மா" அவர்கள் என்று குறிப்பிட்டாலும்

பொருத்தமாகவே இருக்கும்

டிஸ்கி : ஜெவுக்கம் கலைஞருக்கும் உள்ள ஒரே ஒற்றுமை, 'மக்களை ஏமாற்றி சுரண்டுவது' என்பது நான் சொல்லித்தான் உங்களுக்கு தெரியணும்னா, உங்களுக்கு இவங்க நிச்சயமா தேவைதான்.

வேற என்னத்த சொல்ல :-(

சவுதியில் தமிழ்மணம் தடை - சம்பந்தப்பட்டோருக்கு எனது கடும் கண்டனங்கள்!

2011-10-21T00:40:00.000+02:00

எங்கள்ஊரில், தீட்டிய மரத்திலேயே கூர்பார்க்கிறான் பாருய்யா என்று பழமொழி சொல்லகேட்டிருக்கிறேன். அதன் அர்த்தம் மேலோடுபுரிந்திருந்தாலும், இன்றுதான் முழுவீச்சோடு உணர முடிந்தது.

சவுதி அரேபியாவில் யாருடைய கோரிக்கையையோ ஏற்றுதமிழ்மணத்தை தடை செய்து விட்டார்களாம்.

"தமிழ்மணமேமன்னிப்பு கேள் இல்லாவிடில் உன்னைஇஸ்லாமிய நாடுகளில் தடை செய்வேன்" என்ற உணர்ச்சிமிகையான வரிகளை பதிவுகளில் கண்டபோதுஏதோ கோபத்தில் கண் மண் புரியாமல்எழுதுகிறார்கள் என்றே பல அப்பாவிபதிவர்களை போலவே நானும் நினைத்திருந்தேன்.

ஆனால் அது கோபத்தில் தவறிவந்த வார்த்தையல்ல ஆழ்மனதின் தங்கியிருந்த, பழி வாங்கியே தீர்க்கும்வஞ்சத்தில் இருந்து வெளியானவிஷமென்று இப்போது அறிய முடிகிறது.

இப்படிதடை வாங்கியதால் அவர்களுக்கு என்ன பெரிதாய் கிடைத்துவிடப்போகிறது அல்ப சந்தோஷத்தை தவிர.

இதற்குபதில் இந்த திரட்டியே வேணாம்னுஉதறி தள்ளிட்டு போயிருந்தாலும் கூட அவர்களின் வீரத்தைபாராட்டலாம்.

ஆனால் என்னதான் தமிழ்மணத்தின் மீது கோபம் கொண்டுகண்டன பதிவு இட்டு இருந்தாலும்,சவுதியில் தடை செய்ததை அறிந்தவுடனேபதிவின் மூலம் பிறருக்குஅறிவித்து விட்டு, தானே இச்செயலுக்குகண்டனம் தெரிவித்தது மட்டுமல்லாது, அந்த தடையை நீக்ககோரிமனு செய்து அதனை பிறரும்பின்பற்றும் வண்ணம் லிங்க் கொடுத்துபதிவிட்ட நண்பர் பதிவர் ஹைதர்அலியின் நேர்மை பாராட்டுக்குரியது

அந்த பதிவு : http://valaiyukam.blogspot.com/2011/10/blog-post_19.html

சவுதியில்உள்ள நேர்மையான தமிழர்களே , உங்கள் பங்கிற்கு இந்தலிங்கில் சென்று தமிழ்மணத்தை தடைநீக்க ஆவண செய்வீர்கள் என்றுநம்புகிறேன்.

இதில் புரியாத விஷயம் என்னவென்றால்,யாரோ எதுவோ சொன்னால் அதுஎன்ன ஏதுவென்று விசாரிக்காமலே, நடவடிக்கை எடுக்கும் அளவுக்கு பலவீனமானதாசவுதி அரசாங்கம்?

அப்படியானால்நமக்கு பிடிக்கதவன் எவனையாவது சவுதி போலீஸிடம் கூட்டிசென்று,இவன் நம்ம மார்க்கத்தை பற்றிதவறாக கதைத்தான் என்று கூறினால் அவன்கதை அவ்வளவுதானா :-(

என்ன நாடோ என்ன அரசாங்கமோபோங்க

பரமக்குடியில் ஜெ தேவரும், அறிவாலயத்தில் அண்ணாவும்

2011-09-12T06:49:00.000+02:00

நேற்றைய தினம், கடந்த சில ஆண்டுகளாக குரு பூஜையாய் தலித் மக்களால் கொண்டாடப்படும் தியாகி இம்மானுவேல் சேகரனின் நினைவு தினம்.

அப்படிப்பட்ட தினத்தில் முன்யோசனை, முன் எச்சரிக்கை நடவடிக்கை என்று எந்த எழவுமின்றி தமிழக மக்கள் முன்னேற்றக் கழகம் என்று கட்சி நடத்தி கொண்டிருக்கும், சாதிக்கு பின்னால் ஒளிந்துகொண்டு அரசியல் ரவுடித்தனம் செய்யும் ஜான் பாண்டியன் என்பவனை கைது செய்திருக்கிறது போலீஸ்.

உடனே அவனது அல்லக்கைகள் அப்பாவி மக்களை போலீஸுக்கு எதிரான உணர்வுகளை தூண்டிவிட்டு கலவரமாக்கி, கடைசியில் போலீஸ் குண்டுக்கு 5 உயிர்களை பலி கொடுத்திருக்கிறது.

இந்த சம்பவம்,அரசிற்கு ஒரு பெரிய களங்கத்தை உண்டு பண்ணியிருப்பதில் ஆச்சரியம் ஒன்றுமில்லை.

இதே போல் தேவர் குருபூஜையிலும், அந்த சாதிக்கு பின்னால் ஒளிந்து கொண்டு அரசியல் ரவுடித்தனம் செய்யும் பல நபர்களில் ஒருவரையாவது கைது செய்ய இந்த அரசுக்கு தைரியும் இருக்குமா

அப்படியே கைது செய்தாலும், பின்னர் நடக்கும் கலவரத்தில் போலீஸ் துப்பாக்கி எடுத்து சுட்டு விடுமா

தலித் உயிர் என்றால் மட்டும் இளப்பமா

அதிமுக என்றாலே தேவர் சாதி கட்சி என்பது மீண்டும் நிருபிக்கப்பட்டுள்ளதா

பொறுத்திருந்து பார்ப்போம்

------------------------------------------------

கடந்த வாரம், சட்டசபையில், அண்ணா அறிவாலயத்தில் உள்ள மாநகராட்சிக்குச் சொந்தமான பூங்காவை மீட்க நடவடிக்கை எடுக்கப்படும் என்று ஒரு உறுப்பினரின் கேள்விக்கு உள்ளாட்சித் துறை அமைச்சர் கே.பி.முனுசாமி பதில் அளித்துள்ளார்.

அதற்கு அடுத்த நாள் கலைஞர் இதற்கு விளக்கம் கொடுக்கிறேன் பேர்வழி என்று,

"அந்த இடத்திலே அண்ணா சிலை இருப்பதை அறிவீர்கள். அந்த சிலை அங்கே இருக்கக் கூடாது என்று நினைக்கிறார்கள். ஏனென்றால் அண்ணா திமுக அல்லவா? ஆகவே அண்ணா சிலை இருக்க கூடாது என்பதற்கான முயற்சியிலே ஈடுபட எண்ணுகிறார்கள்"

என்று கேணத்தனமாக விளக்கம் கொடுத்திருக்கிறார்.

பொதுவாகவே, பொறம்போக்கு நிலத்தை ஆக்ரமிக்கும் சமூக விரோதிகள் தங்கள் கட்டடத்திற்கு முன்னால் ஒரு சின்ன பிள்ளையார் கோயிலை கட்டிவிடுவார்கள்.

பின்னர் யாரேனும் ஆக்ரமிப்பு நிலத்தில் கட்டிய கட்டடத்தை இடிக்க வந்தால், கோயிலை இடிக்க வந்ததாக திரிபு செய்து, மத பிரச்ச்னையாக மாற்றி அங்கிருக்கும் அப்பாவி மக்களையும் சேர்த்துக்கொண்டு எதிர்ப்பர்.

அந்த மாதிரிதான் இருக்கிறது இவரது விளக்கமும்.

என்ன செய்ய நம் உடன்பிறப்புகள்,

"எத்த சொன்னாலும் அத அப்படியே நம்பிறானுங்கைய்யா அப்பாவி புள்ளங்க"

------------------------------------------------

யாருக்கு உங்கள் ஓட்டு - ஒரு நிமிடம் சிந்திப்பீர்

2011-04-11T03:58:00.003+02:00

யார் நம்மை ஆளலாம்

காமராஜர், கக்கன் போன்ற தன்னலம் கருதாது மக்கள் சேவையே மகேசன் சேவை என இருப்பவர்கள் .

அப்படி யாரும் தற்சமயம் இங்கில்லை. இனி ஏதாவது ஒரு தேவகுமாரன் வானிலிருந்து இறங்கி வந்தால்தான் உண்டு.

அதுவரை எரிகிற கொள்ளியில் எந்த கொள்ளி நல்ல கொள்ளி என் தேர்ந்தெடுப்பதே நமக்கு கிட்டிய வாய்ப்பு

யாருக்கு ஓட்டு போடக்கூடாது

எக்காரணம் முன்னிட்டும் ஈழத்து தமிழ் இன ஒழிப்பு கொலைகாரன் காங்கிரஸுக்கு கூடவே கூடாது

அடுத்து

மாநிலத்தை தன் குடும்பத்திற்கு குத்தகை விட்டு, தன் குடும்பத்தினர்களை சிற்றரசர்களாய் முடி சூட்டியவருக்கு,

மூத்தவர் பிள்ளைகள் அனுபவிக்கிறார்களே என துணைவியார் புழுங்க ‘நான் வளர்கிறேனே மம்மி’ என மகள் விசுபரூபமெடுத்தன் விளைவு நாட்டுக்கு 1 லட்சத்து 76 ஆயிரம் கோடி நட்டம் - இவர்களை அனுமதித்த குடும்ப தலைவருக்கு

மாநிலத்தை இருளாக்கியவருக்கு

ஊடத்துறையை போலவே திரைப்படத்துறையையும் கபளீகரன் செய்தவருக்கு

ஒரு குடிகார தலைமுறையையே உருவாக்கி தந்தவருக்கு

ஏழைகள் இருக்கும் வரை இலவசங்கள் தொடரும் எனக்கூறி ஏழைகளை ஏழைகளாகவே வைத்திருப்பவருக்கு

அயல் நாட்டு ராணுவ அராஜகத்தால் 550 தமிழக மீனவர்கள் படுகொலை செய்யப்பட்டபோது கண் காது பொத்தி இருந்தவருக்கு

கூப்பிடு தூரத்தில் கொத்து கொத்தாக நம் சகோதரர்கள் கொலையுண்டானபோது கொலையாளி காங்கிரஸுக்கு வாய் பொத்தி சேவகம் செய்தவருக்கு

யாருக்கு ஓட்டு போடலாம்

சுயேட்சையாய் நிற்கும் நல்லவர்களுக்கு

புதிதாய் களத்தில் நிற்கும் தேமுதிகவினருக்கு

ஊழலின் கறை படியாமல் எளிமையாய் வாழும் கம்யூனிஸ்ட் தோழர்களுக்கு

………………………………………..

ஆனால் தொங்கு சட்டசபை வராமல் குதிரை பேரத்திற்கு இடம் கொடுக்காமல் உடனடி இன்னொரு தேர்தல் வேண்டாமென்றால் அதிமுக கூட்டணிக்கே வாக்களியுங்கள்

ஏன் அதிமுக கூட்டணி

வேறு வழியில்லை மு்ன்பே சொன்னது போல் எரிகிற கொள்ளியில் எந்த கொள்ளி நல்ல கொள்ளி கணக்குதான்

திமுகவைவிட அதிமுக எந்த விதத்தில் உயர்ந்தது

இன்றைய நிலைவரை ஜெஜெ யின் பெரிய கொள்ளை 60 கோடி கலைஞர் தரப்போ 1 லட்சத்து 76 ஆயிரம் கோடி

ஈழப்பிரச்சினையில் ஜெஜெ எதிரி கலைஞர் துரோகி எதிரியை விட துரோகிதான் ஆபத்தானவன்

மீண்டும் திமுக வந்தால்

ஸ்பெக்ட்ராம் வழக்கில் எந்த முன்னேற்றமும் ஏற்படாது. மாறாக தா.கிருஷணன், தினகரன் ஊழியர்கள் வழக்குகள் போல அந்தரத்தில் மறைந்து விடும்

ஊடத்துறை, திரைப்படத்துறை போல இன்னும் என்ன என்ன துறைகள் அவர் குடும்பத்தினரால் கபளீகரம் செய்யப்படுமோ.

ஏற்கனவே மகள் வளர்ந்து விட்டேன் என்று காட்டவே நாடு 1 லட்சத்து 76 ஆயிரம் கோடி நட்டம் கண்டது .இன்னும் 5 வருடத்தில் வளர்வதற்குஅவரின் பேரன் பேத்திகள் தயார் அதுக்கு இன்னும் எத்தனை கோடி கோடி கோடி யோ

அதிமுகவும் மீண்டும் ஊழலில் இறங்கினால்

இருக்கட்டுமே அடுத்த 5 வருசத்தில் இந்த திருடன் வரட்டும்னு கலைஞருக்காக கொரல் கொடுப்போம்

என்னதான் தொழில் கொள்ளையாய் இருந்தாலும்

மொறைவாசல் முக்கியமில்லையா கண்ணு !

அட என்ன நாஞ்சொல்றது !!

பதிவர் சவுக்கு சங்கரின் கைதுக்கு கடுமையான கண்டனங்கள்

2010-07-24T07:35:00.002+02:00

சவுக்கு என்ற பெயரில் பதிவு ஒன்றை ஆரம்பித்து ஊழல் பெருச்சாளிகளின் திருவிளையாடல்களை அப்படியே பிட்டு பிட்டு வைத்து அவர்களின் முகத்திரையை கிழித்து தோரணமாய் தொங்க விட்டு கொண்டிருந்தார் சங்கர் என்கின்ற முன்னால் காவல்துறை அதிகாரி

அவரின் பதிவுகள் கிசு கிசு பாணியில் இல்லாமல் பகிங்கரமாகவே ஊழலதிகாரிகளின் பெயர்களை குறிப்பிட்டே சொல்லப்பட்டிருக்கும், சில பதிவுகளில் தனது குற்றச்சாட்டுக்கு ஆதாரமான டாக்குமெண்ட் நகல்களையும் இணைத்திருப்பார்.

இப்படி சவுக்கை சுழட்டி சுழட்டி அடித்து வெளுத்துக் கொண்டிருந்தவருக்கு கண்டிப்பாக ஆட்டோ வரும் என்று வாசகர்கள் பலர் எதிர்பார்த்ததை போலவே அவரும் எதிர்பார்த்திருந்தார். அதையும் பதிவு செய்திருந்தார். தனக்கு எதிராக என்ன செய்யலாமென்று, எந்த இடத்தில், யார்யாரெல்லாம் ஆலோசனை செய்கிறார்கள் என்பதையெல்லாம் கூட பதிவில் எழுதியிருந்தார்.

அவர் இரு தினங்களுக்கு முன்பு கைது செய்யப்பட்டதாக நேற்று தான் எனக்கு, பதிவுலகம் மூலம் தெரிய வந்தது

"சரி, எந்தெந்த குற்றப்பிரிவில் அவரை கைது செய்துள்ளனர் ? எப்படியும் அவரை ஒன்றும் செய்ய முடியாது. அவரிடம் தான், எழுதிய அனைத்திற்கும் ஆதாரம் உள்ளதே" என்று எண்ணியபடியே பதிவுகளை மேய்ந்தால், அதிர்ச்சி! அவரை கைது செய்ததற்கு காரணமாய் அவர் எழுத்து சொல்லப்படவில்லை. மாறாக, அம்மா காலத்து கஞ்சா கேஸ்போல், வேறு ஏதோ நாடகம் செட் பண்ணி, ஜாமினில் வர முடியாத ஒரு இபிகோ வில் கைது செய்துள்ளனராம். அட தேவுடா..........

உங்களிடம் நியாயம் இருந்தால், அவர் எழுத்தை நேர்மையாக அல்லவா சந்தித்து இருக்க வேண்டும் . அவர் தான் பேரை குறிப்பிட்டு , ஊரை குறிப்பிட்டு பக்காவாக உங்கள் வண்டவாளங்களை சொல்கிறாரே. அப்படிப்பட்டவர் ஓடி ஒளியவா போகிறார்.

இந்த ஒரு செயல் மூலமே சவுக்கில் எழுதியவை அனைத்தும் ஒரு எழுத்து பிசகாமல் உண்மை என்றாகிவிட்டதே.

என்னமோ போங்க, "முட்டா குருவும் மூட சீடர்களும்" னு ஒரு சொல்வடை எங்க ஊர்ப்பக்கம் சொல்வாங்க, அதான் எனக்கு இப்ப ஞாபகத்துக்கு வருது. 'இம்சை அரசனும் இந்த எழவெடுத்த அதிகாரிகளும்' தான், தமிழ் நாட்டு அரசாங்கத்தை நடத்திட்டு வராங்க.

பாவம் மக்கள்!

ஆட்சி அதிகாரம் தங்கள் கையில் இருக்கின்றது என்ற ஆணவத்தில், எழுத்துப்பணிக்கு மிரட்டல் விடுவது போல் தங்களைப்பற்றி எழுதிய எழுத்தாளனை பொய் வழக்கு தொடுத்து சிறையில் அடைத்திருக்கும் அதிகார வர்க்கத்திற்கும் இதற்கு துணை போன காமராஜ் என்ற நக்கீரன் துணை ஆசிரியருக்கும் (நெற்றிக்கண் திறப்பினும் குற்றம் குற்றமே ஆனா யார் யாரெல்லாம் நெற்றிக்கண் திறக்கலாம்னு நாங்க தான் முடிவு பண்ணுவோம்) எனது கடுமையான கண்டனங்கள்

யார் எக்கேடு கெட்டால் எனக்கென்ன? என்று கண்டும் காணாமல், ஒரு சக எழுத்தாளனுக்கு நடக்கும் அக்கிரமத்தை தட்டி கேட்காமல், நடிக நடிகையரை நோக்கி ஓடிக்கொண்டிருக்கும் ஊடகத்துறைக்கும் எனது கண்டனங்கள்

இப்படியெல்லாம் நடக்கும்னு எதிர்பார்த்திருந்தாலும் ஊழல் அதிகாரிகளை தோலுரிக்க தயங்காத சவுக்கு சங்கரின் நேர்மைக்கும் துணிவிற்கும் ஒரு ராயல் சல்யூட்

விந்தை மனிதர்கள் - டூம்

2010-07-13T06:32:00.004+02:00

சில வருடங்களுக்கு முன்னால் ஒரு ரமதான் மாதம் காலை வேளையில், அவசர அவசரமாக என் அலுவலக அறைக்குள் வந்து கதவை சாத்தினான் டூம் - டுனிஷியா நாட்டினன், இயற்பெயர் எனக்கு தெரியாது. ஏனெனில் அனைவரும் அவனை டூம் என்றே அழைப்போம்.

தனது துப்புரவு கருவிகளை ஒரு ஒரமாக வைத்து விட்டு என் அருகில் வந்து காலை வணக்கம் கூறிவிட்டு அலமாரிக்கு அருகில் மறைவாக நின்றுக்கொண்டு தான் அணிந்திருந்த வேலை அங்கியின் பாக்கெட்டிலிருந்து குருவாசென் (croissant) என்ற காலை உணவு ரொட்டியை அவசரமாக எடுத்து கடிக்க தொடங்கினான்.

அவ்வப்போது வாசலை நோக்கி பதட்டத்துடன் பார்த்துக்கொண்டான்.

நான் என்னிடமிருந்த ஒரு தண்ணீர் பாட்டிலை அவனுக்கு நீட்டி விட்டு, அமைதியாக பார்த்துக்கொண்டிருந்தேன்.

எனக்கு இந்த நிகழ்வுகள் எல்லாம் நன்றாக பழக்கமாகி யிருந்தது. ஆனால் அவனுக்கோ, முதல் நாளில் இருந்த பதட்டம் இன்று வரையில் அப்படியே இருக்கிறது.

இரண்டு மூன்று குருவாசென்களை (croissant) சாப்பிட்டு விட்டு, பாதி பாட்டில் நீரையும் குடித்து விட்டு, பதட்டம் தணிந்தவனாக என் அருகில் வந்தவன்,

"நான் தினமும் இங்கு வருவதால் உன் வேலைகளுக்கு ஏதேனும் இடையூறு ஏற்படுகிறதா?" என்றான்.

நான், "இல்லை!" என்று சொல்லி முடிப்பதற்குள்,

"இங்கு நடந்ததை யாரிடமும் கூறிவிடாதே!" என்று வழக்கம்போல் கெஞ்சலுடன் சொல்லிவிட்டு, கதவைத் திறந்து தனது துப்புரவு பணியிணை கவனிக்க தொடங்கினான்.

தினமும் இதே கதைதான் சில நாட்கள் மதியவேளைகளிலும் 'சாண்ட்விச்'
உடன் ஆஜராகிவிடுவான்.

எங்கள் அலுவலக உணவகத்தின் சீப் குக் (chief cook) மொரொக்கோ நாட்டை சேர்ந்தவன். மாலை வேளைகளில் உணவக நிர்வாகம் முழுவதும் அவன் கையில் தான். அதனால் ரமதான் மாதத்தின் மாலை நேரத்தில் நோன்பு திறக்க அனைத்து ஏற்பாடும் அங்கு செய்து வைக்கப்படும்.

பேரீச்சம்பழம், தண்ணீர் என்றும், நோன்பு துறந்தவுடன் சூடான சூப், பிறகு சாப்பாடு என்றும் அனைத்திற்கும் அவனே பொறுப்பேற்றுக்கொள்வான்.

தவிர அந்த நேரம் மற்றவர்களின் உணவு நேரம் இல்லை என்ற படியால் சொற்பொழிவு கூட சில சமயம் நடக்கும் ஆக மொத்தம் அந்த இடமே சின்ன மசூதி போல காட்சி அளிக்கும்.

அன்றைய தினம், "ஐய்யா நான் களைச்சிட்டேன் எனக்கு புத்துணர்வு கொடு" என்று மூளை கதறிய பிறகுதான் மணியை பார்த்தேன் ஆறை தாண்டியிருந்தது. வழக்கமாய் நாலு நாலறைக்கு குடிக்கும் காப்பியும், அடிக்கும் தம்மும் வேலை மும்முரத்தில் மறந்து போயிருந்தன. சரி யென்று, உணவகத்த்தை ஒட்டி உள்ள காபி மெஷினை நோக்கி நடந்தேன்.

காபியை எடுத்துக்கொண்டு திரும்பியவனை உணகத்திலிருந்த வந்த சப்தமான குரல்கள் தடுத்து நிறுத்தியது.

என்னதான் நோன்பு துறக்கும் நேரமேயானாலும், இந்த சப்தங்கள் அசாதாரணமாக மனதிற்கு பட்டது.

ஓங்கி ஒலித்த குரல்களில் டூமின் குரலும் ஒன்றாக இருந்ததால், உணவகத்தை நோக்கி என் பார்வை அனிச்சையாக திரும்பியது.

ஒரு பையன் தலை குனிந்தபடியே நின்றிருக்க அவனை மூன்று நான்கு பேர்கள் வார்த்தைகளால் வறுத்தெடுத்து கொண்டிருந்தனர்.அப்படி ஆக்ரோஷப்பட்டவர்களில் டூம் முதன்மையானவனாக தெரிந்தான்.

அவர்கள் அரபு மொழியில் கத்திக்கொண்டிருந்தாலும் அவ்வப்போது பிரெஞ்சு மொழியையும் உபயோகப்படுத்தியதால் என்னால் நடந்ததை ஓரளவு ஊகிக்க முடிந்தது என்றாலும், அங்கிருந்த ஒரு அரபுக்காரனிடம் கேட்டு விஷயத்தை நிச்சயப்படுத்திக்கொண்டேன்.

மேட்டர் இதுதான் :

படித்துக்கொண்டே, விடுமுறையில் வேலை பார்க்கும் அல்ஜீரியா நாட்டை சேர்ந்த அந்த அரபு பையன், நோன்பை கடவுளுக்கு பயந்து முழுமையாக எடுக்காமல், நோன்பு துறப்பதற்கு 2 மணி நேரம் முன்னரே, பசி தாங்காமல் ஒரு பழத்தை திண்ண, அந்த நேரம் பார்த்து அந்தப்பக்கம் வந்த, 'மார்க்க பெரியவர்' என்று எங்கள் அலுவலகத்து முஸ்லீம்களால் அழைக்கப்படும் டூம் என்றவர், அவனை கையும் களவுமாக பிடித்து, சபைக்கு இழுத்து சென்று, தானும் கண்டித்து, மற்றவர்களையும் கண்டிக்க வைத்து தன்னுடைய இறைவனுக்கு நன்றி விசுவாசத்தை காட்டிக்கொண்டார்.

டிஸ்கி : அன்றிலிருந்து எனது அலுவலக அறைக்கதவு உட்பக்கமாக சாவி போட்டு பூட்டப்பட்டது. தட்டி அனுமதி கேட்ட டூம் விற்கு அனுமதி மறுக்கப்பட்டது.

சபாஷ் சந்தன முல்லை !

2010-06-05T21:34:00.005+02:00

எப்பொழுதாவது ஒருமுறை மட்டுமே பதிவுலகை எட்டிப்பார்ப்பதற்கு எனது வேலைப்பளு என்னை அனுமதிக்கிறது.
அப்படிஒரு இடைவேளைக்கு பின் வந்து பலரது இடுகைகளை படிக்கையில், தலையும் புரியாமல் வாலும் புரியாமல் இறுதியாக வினவு பதிவின் மூலம் நடந்ததை அறிய முடிந்தது.
கூடவே ஆணாதிக்க திமிர் அடங்கிய, ஆபாசமும் அருவருப்பும் மண்டிய, நாத்தம் புடிச்ச பூக்காரி புனைவை படிக்கவும் நேர்ந்த்தது. .

ஆணாதிக்க வெறி பிடித்த பதிவர் நர்சிம்மிற்கும், அருவறுப்பு புண்ணோட்ட மிட்ட கார்க்கிக்கும், கும்மியடித்து கொண்டாட்டம் போட்ட மற்றோருக்கும் எனது கடுமையான கண்டனங்கள்

பதிவர் சந்தனமுல்லைக்கு, உள்ள உறுதிக்கும், தெளிவான நோக்கிற்கும், தீர்வு நோக்கி போராடும் மனத்திண்மைக்கும் ஒரு ராயல் சல்யூட்!

HAT''S OFF TO YOU !

தனக்கு சம்பந்தமில்லாத விஷயமிது என்று தள்ளி நின்று பார்க்காமல் துணிந்து தோள் கொடுத்த வினவு தோழர்களுக்கு ஒரு வீர வணக்கம்!

இப்போது லேட்டஸ்டாக மருத்துவர் புருனோ, பாதிக்கப்பட்ட பதிவரை இன்னமும் ஆபாச வார்த்தைகளால் குதறியிருப்பது தெரிய வருகின்றது
அவருக்கும் எனது கடுமையான கண்டனங்கள்

"வயசானவன்னு கூட பார்க்காம........ "என்ற வசனத்தை தனக்கு மட்டுமே எழுதிக்கொள்ளக்கூடாது கலைஞர் அவர்களே!

2010-04-23T12:49:00.003+02:00

மிகுந்த பணிச் சுமையின் காரணமாக இணைய உலகிற்கு படிப்பதற்கு மட்டுமே சில சமயம் வர முடிகிறது. கருத்தை எழுத கூட நேரம் இருப்பது இல்லை.

இடையில் எவ்வளவோ சம்பவங்கள் நம்மை சுற்றி நடந்து முடிந்து விட்டன.

கலைஞருக்கு சினிமா கலைஞர்களின் பாராட்டு விழா, அதில் அஜீத்தின் துணிகர பேச்சு, அதற்கு ரஜினியின் வெளிப்படையான ஆதரவு, அதன் பின்வினைகள், பிறகு மன்னிப்பு காண்டம் என்ற கூத்துகள் ஒரு புறம்

நித்தியானந்தரின் ரஞ்சிதாவுடனான நித்தியானந்தம், அதில் சன் டீவியின் அத்து மீறல், சன் டீவி, நக்கிரனின் பிட்டு படம் போன்ற ஆபாசங்கள் ஒரு புறம்

இவைகளைப்பற்றி என் மனதில் அவ்வப்போது எழுந்த எண்ணங்களை, இணையத்தில் பகிர்ந்து கொள்ள இயலாமல் போனதால் யாருக்கும் ஒன்றும் குடி முழுகிப் போய் விடவில்லை.

ஆனால் சமீபத்தில் ஒரு மூதாட்டியார், மருத்துவ சிகிச்சைக்காக முறையான ஆவணங்களோடு வந்தும்,
'வந்தாரை வாழ வைக்கும் சிங்கார தமிழக'த்தின் தலைநகரத்தில் விமானத்தை விட்டு இறங்க கூட அனுமதிக்கப்படாமல்,
சில மணி நேரங்கள்அலைக்கழிக்கப்பட்டு, திரும்ப நாடு கடத்தப்பட்டாரே,

இதற்கு கூட ஒரு நாலு வரியில் என் கண்டனத்தை பதிவு செய்யாவிடில் நான் மனிதனாக இருப்பதற்கு அர்த்தம் இல்லாது போய்விடும் என்பதாலேயே இந்த பதிவு.

நடந்தது, மன்னிக்க முடியாத தவறு என்பதை காங்கிரஸ்காரனையும் அதிமுககாரனையும் தவிர அனைவராலுமே ஒத்துக்கொள்ளப்பட்டிருக்கிறது.

ஆனால் காரணம் நான் தான் என்று நெஞ்சை நிமிர்த்தி சொல்ல, செய்தவனுக்கு தைரியம் இல்லை. அடுத்தவனை சுட்டிக் காட்டியே வழமைப் போல் அரசியல் செய்கின்றனர்.

ஆனால், எப்படி பார்த்தாலும், சம்பவம் நடந்த சமயம் ஆட்சிக்கட்டிலில் வீற்றிருப்பவர்தான் தார்மீகமாயினும் பொறுப்பேற்றாக வேண்டும் என்று சின்ன குழந்தை கூட சொல்லிவிடும்.

ஆனல் இவரோ தனக்கு நடந்தது ஒன்றுமே தெரியாது என்று கூறுகிறார்.

ஆனால் இவரின் அதிகாரத்தின் கீழ் பணியாற்றும் காவல் துறையோ, அன்றைய தினம் விமான நிலையதையே தன் கட்டுப்பாட்டில் கொண்டு வந்திருந்தது, நல்ல முரண்பாடு.

ஒரு வேளை இவர் சொல்வது உண்மையாகவே இருந்து, இவரின் கட்டுப்பாட்டிலே மாநில நிர்வாகம் இல்லையென்றால், 'ஐயோ பாவம்' அப்போதே ஞானி சொன்னதைக் கேட்டிருக்கலாம். ஓய்வு எடுக்க போயிருக்கலாம்.

ஞானி, அப்படி சொன்னபோது அவரின் சட்டைக்குள் பூணூலைத் தேடிய கழக குஞ்சுகள் இப்போது எங்கே காணாமல் போய்விட்டார்கள் ?

ஏன் என்னிடம் சொல்லி விட்டு வரவில்லை? என்று கேட்கிறார்.

ஏன் உம்மிடம் சொல்ல வேண்டும்?
அவர் என்ன உமது காசில்லா வைத்தியம் செய்துக்கொள்ள வந்தார்,
உம்மிடம் அனுமதி கேட்டு வருவதற்கு !

இந்தியாவில் நுழைய தங்குவதற்கு விஸா தேவை. அதை முறையாக இந்தியதூதரகத்தில் பெற்றாயிற்று, அப்புறம் என்ன?

எனக்கு எதுவும் தெரியாது. எல்லாம் 2002ல் ஜெயலலிதா எழுதிய குறிப்புதான் காரணம் என்று வெக்கமில்லாமல் சொல்கிறார்.

அந்த குறிப்பு என்ன, நாம் கப்பம் கட்டிக் கொண்டிருக்கும் ஒரு பெரிய சாம்ராஜ்ஜியத்தின் மன்னன் எழுதிய ஓலைக்குறிப்பா, அதை கண்ணில் ஒற்றி நிறைவேற்றுவதற்கு !

அரசு ஊழியர்களுக்கு எதிரான அவரது அரசு உத்தரவை உம்மால் எப்படி மாற்ற முடிந்தது?

சன் டீவியை பாதிக்கும் அரசு கேபிள் டீவி உத்தரவை உம்மால் எப்படி நிறுத்திவைக்க முடிந்தது?

அஞ்சா நெஞ்சனின் தினகரன் வழக்கு, தா.கிருஷ்னன் கொலை வழக்கு மேம்பால ஊழல் வழக்குகளை எப்படி அய்யா உம் இஷ்டம் போல வளைக்க முடிந்தது.

பிறகு ஏனய்யா இந்த குறிப்பை மட்டும் உம்மால் மாற்ற இயலவில்லை !

ஜெயலலிதா ஒன்றும் தமிழர்களுக்காவே வாழும் தமிழ்த்தாய் என்று நீர் உள்பட யாருமே எதிர்பார்த்ததில்லை.

அவரும் தேர்தல் நேரம் தவிர அப்படி ஒன்றும் சொல்லி உம்மைப் போல் பிலிம் காட்டுவதில்லை.

தவிர, அவர் எந்த நேரத்தில் என்ன செய்வார் என்று அவருக்கே தெரியாது.

அதை ஒரு சாக்காக சொல்கிறாயே உமக்கே உம்மைப் பார்த்தால் சிரிப்பாக இல்லை!

சரி மத்திய அரசுக்கு அவர் எழுதிய குறிப்பு - மத்திய அரசால் ஏற்றுகொள்ளப்பட்ட குறிப்பு - பிறகு மாற்றவே முடியாத குறிப்பு

அந்த குறிப்பு அவரால் எழுதப்பட்டபோது மத்திய அரசில் யார் இருந்தது?

வாஜ்பாயி தலைமையில் இருந்த அந்த மத்திய அரசில், மாறன், டி ஆர் பாலு என்று உமது அமைச்சர்கள் தானே கோலோச்சிக்கொண்டிருந்தனர்.
பின் எப்படி அந்த குறிப்பை ஏற்றுக்கொள்ள அனுமதித்தீர்.

அது எந்த காலகட்டம் என்று மறந்து விட்டதா அய்யா ?

பார்த்தோர் நெஞ்சங்களை பதற வைத்த, கேட்டோர் மனங்களை கதற வைத்த, சன் டீவியின் சீரிய இயக்கத்தில் உருவான, தங்களின், 'ஐயோ காப்பாத்துங்க... காப்பாத்துங்க....' என்ற புகழ் பெற்ற, வசனம் படைக்கப்பட்ட காலம் தான் அது.

மாறன் மற்றும் டி ஆர் பாலு , மத்திய மந்திரிகள் என்ற கோதாவில் போலீஸ் அதிகாரிகளோடு எல்லாம் டிஷ்யூம் டிஷ்யூம் போட்டாங்களே,

அப்புறம் வாஜ்பாயி கிட்டே அழுவாஞ்சி புகார் கொடுத்து ஜெ அரசை டிஸ்மிஸ் செய்ய சொன்னாங்களே.

வாஜ்பாயும் மாநில அரசை விளக்கம் எல்லாம் கேட்டாரே

இப்போது ஞாபகம் வருகிறதா அய்யா

கடைசியாய் ஒரு வார்த்தை

"வயசானவன்னு கூட பார்க்காம........ " என்ற வசனத்தை தனக்கு மட்டுமே எழுதிக்கொள்ளக்கூடாது கலைஞர் அவர்களே!